Comportement normatif dans l'enseignement de L1 chez les élèves de Suisse romande et romanche

Abstract

Almain fin a la fin dal stgalim primar s’exerciteschan ils:las scolar:as rumantsch:as en ina uschenumnada «dubla diglossia» (Kristol en Cathomas 2005) u enconuschientscha da duas variantas, auta e bassa, dal tudestg e dal rumantsch. Cunquai che la cunscienzia metalinguistica dependa t.a. er da las savidas en circulaziun e dal context social (Pinto & El Euch 2015) che influenzeschan il cumportament linguistic (Prikhodkine 2012), avain nus perscrutà cun in questiunari da grammaticalitad sin tge moda che ca. 30 scolar:as sursilvan:as da 12-13 onns da la Scola populara da Mustér expriman lur giudicaments normativs. Il questiunari è vegnì suttamess ad el:las en il decurs da schaner 2023. A medem temp avain nus intervistà lur scolast:as per stabilir sin tge maniera ch’il bun rumantsch vegn preschentà en classa da L1. Nus cumparegliain noss resultats cun quels da trais gimnasis da la Svizra franzosa, per verifitgar sche l’ambient pluriling pudess rinforzar l’instinct normativ u, anzi, contribuir ad ina toleranza superiura envers eventualas divergenzas dal diever.